ئایا خودا فەرموویەتی کە دینێک جێگەی دینێکی دیکە
دەگرێتەوە؟
ئایا خودا دەیەوێ کە ئێمە لە ئایینی یەهودییەوە دەستپێبکەین پاشان بڕۆینە سەر مەسیحییەت
و دواتر بڕۆینە سەر ئیسلام؟
نەخێر، خودا یەک قسە
دەکات و جێگیرە. هەرگیز حەزی لەوە نەبووە کە دین بنیات بنێت.
ئەگەر لە ئیبراهیمەوە
دەستپێبکەین، خودا بەڕوونی ئەوەی بۆ دەرخستووین کە دەیەوێت خۆی بۆمان دەربخات تاکو
بتوانین پەیوەنییەکی شەخسی و تایبەتمان لەگەڵی هەبێت.
تاکە ئامانجی دروستکردنمان لەلایەن خوداوە بریتییە لە هەبوونی پەیوەندی نەوەک
دین.
با سەیرێکی ئادەم و
حەوا بکەین. ئەوان ڕاستەوخۆ لەگەڵ خودا پەیوەندییان هەبوو و هەموو
پێداویستییەکانیان دابین کرابوو. پاشان شەیتان لەشێوەی مارێک خۆی بۆ ئادەم و حەوا
دەرخست و تاقیکردنەوە. بەداخەوە، باوەڕیان بە شەیتان کرد و سەرپێچی فەرمانی
خودایان کرد. لە ئەنجامدا، ئادەم و حەوا چیتر پەیوەندییان لەگەڵ خودا نەما.
"یه‌زدانی په‌روه‌ردگار به ماره‌كه‌ی فه‌رموو: له‌به‌ر
ئه‌وه‌ی ئه‌مه‌ت كرد، تۆ نه‌فره‌ت لێكراویت زیاتر له هه‌موو ئاژه‌ڵێكی ماڵی و هه‌موو
ئاژه‌ڵێكی كێوی.
هه‌موو ته‌مه‌نیشت له‌سه‌ر سكت ده‌خشێیت و خۆڵ ده‌خۆیت.
دوژمنایه‌تیش ده‌خه‌مه نێوان تۆ و ئافره‌ته‌كه، نێوان نه‌وه‌ی
تۆ و نه‌وه‌ی ئه‌وه‌وه.
نه‌وه‌ی ئه‌و سه‌رت پان ده‌كاته‌وه و تۆش پاژنه‌ی پێی ده‌كوتیت" (پەیدابوون
٣: ١٤- ١٥).
کاتێک شەیتان دەدات بە پاژنەی پێی نەوەی ژنەکەوە بۆ ماوەیەکی
کاتی سەرکەوتوو دەبێت.
ئەگەر سەیری مێژووی مرۆڤایەتی بکەین، کێ بەبێ باوک، هاتە
دنیاوە؟ عیسای مەسیحی کوڕی مریەم، مەگەر نە؟
شەیتان دەدات بە پاژنەی پێی ئەم نەوەیەی ژنەوە بەڵام منداڵەکە
سەری شەیتان پاندەکاتەوە. تاکە ڕێگەی کوشتنی مار بریتییە لە پانکردنەوەی سەری.
ئەمە واتای چییە؟
تەنیا یەک ڕوونکردنەوە لەمەڕ ئەم بابەتە دەکرێت هەبێت:
شەیتان لە عیسای دا
کاتێک لەسەر خاچ بزماریان لە دەست و پێی دا، بەڵام مەسیح ئەم لێدانەی گەڕاندەوە بۆ
شەیتان. عیسا لەسەر خاچ بەسەر شەیتاندا زاڵبوو. مەسیح باجی گوناهی هەموو مرۆڤایەتی
دا. لەڕێگەی مەسیحەوە دەتوانین دڵنیابین لەوەی کە گوناهەکانمان بەخشراون و
دووبارە پەیوەندیمان لەگەڵ خودا دەبێت.
ئیشایای پێغەمبەر لەم
بارەیەوە دەڵێت:
"كێ باوه‌ڕی به
په‌یامه‌كه‌مان كرد و هێزی یه‌زدان بۆ كێ ده‌ركه‌وت؟
به‌نده‌كه وه‌ك چه‌كه‌ره
له به‌رده‌می باڵای كرد، وه‌ك ڕه‌گ له خاكێكی تینوو گه‌شه‌ی كرد.
نه جوانی هه‌بوو و نه پایه‌به‌رزی هه‌تا سه‌رنجمان بۆی بچێت، نه
دیمه‌ن هه‌تا ئاره‌زووی بكه‌ین.
ڕیسوا و سووك له‌لایه‌ن خه‌ڵكه‌وه، پیاوی ئازار و شاره‌زای
ناخۆشی. وه‌ك
یه‌كێك خه‌ڵك ڕووی خۆیانی لێ بشارنه‌وه، ڕیسوا بوو و به هیچمان نه‌زانی.
به دڵنیاییه‌وه ده‌رده‌كانی ئێمه‌ی هه‌ڵگرت، ئازاره‌كانی ئێمه‌ی
برد، ئێمه‌ش وامانزانی له‌لایه‌ن خوداوه گورزی به‌ركه‌وتووه،
لێی دراوه و زه‌لیله.
به‌ڵام ئه‌و له‌به‌ر یاخیبوونه‌كانمان بریندار بوو، له‌به‌ر
تاوانه‌كانمان وردوخاشكرا.
ئه‌و له پێناوی ئاشتبوونه‌وه‌ی ئێمه سزای چێژت، به برینه‌كانی
ئه‌و چاك بووینه‌وه. هه‌موو وه‌ك مه‌ڕ بڵاوه‌مان كردووه، هه‌ریه‌كه ملی ڕێگای
خۆمان گرتووه، به‌ڵام یه‌زدان هه‌موو تاوانه‌كانی ئێمه‌ی خسته سه‌ر ئه‌و" (ئیشایا
٥٣: ١- ٦).
لەم دەقەی سەرەوەدا، پێغەمبەر ئیشایا باسی کێ دەکات؟ زۆر ڕوونە
کە باسی کێ دەکات، باسی عیسای مەسیح دەکات. ئیشایا ئەمەی کەی نووسیوە؟ ٦٠٠ ساڵ پێش
هاتنی مەسیح ئەمەی نووسیوە.
هەر لە سەرەتاوە، بە درێژایی هەزاران ساڵ، خودا هەمیشە
فەرموویەتی کە مەسیح دێت و گیانی دەسپێرێت. چۆن بیر لە خودا دەکەیتەوە ئەگەر لە
کۆتا ساتدا بۆچوونی خۆی بگۆڕێت؟ چۆن لە خودات دەڕوانی ئەگەر لەدوای هەزاران
ساڵ بەڵێنی ناردنی مەسیح، خودا بۆچوونی خۆی بگۆڕیبا و مەسیح خۆی نەکردایە بە
قوربانی بۆ ئێمە؟ خودا هەرگیز بیر و بۆچوونی خۆی ناگۆڕێت.
تەرجەمەی لە ئینگلیزییەوە: بنیامین بارامی
ژێدەر: everystudent.com
